المجد

عزيزى الزائر شكرا لتواجدك معانا فى منتانا المجد هذه الرساله تفيد انك لم تقم بادخال بياناتك بعد نرجو من
حضرتك اختيار احد البدائل التاليه اذا كنت عضو فى اسرتنا
اختر الدخول اما اذا كنت لم تسجل بيانات فنرجو منك الضغط على زر التسجيل لنكون سعداء لتواجدك معانا كواحد من
اسرتنا واهلا بك فى بيتنا المجد
المجد

منتدى مصرى شامل يهتم بتوصيل اى معلومات ومشاركات لضيوفه الكرام

منتدى المجد احلى منتدى


    مؤتمر للعروس

    شاطر
    avatar
    rony
    مشرف التسليه والمنوعات

    عدد الرسائل : 316
    تاريخ التسجيل : 23/02/2009

    مؤتمر للعروس

    مُساهمة من طرف rony في الأربعاء مارس 11, 2009 7:50 pm

    مؤتمر خمه
    هو الحقيقه كان مؤتمر...ولكنى لست أدرى اكان مؤتمر..أو مختمر...المهم كان مؤتمر قمه أو خمه أو لالتقاط بعض الصور...
    المهم كان مؤتمر عقدوه خصيصا.... للعروسه
    ومفيش دقيقه وقع الخلاف بين أعضاء المؤتمر...ياترى ايه الخلاف؟؟؟
    قالوا مين بيحب العروسه أكتر....! دا يقول أنا ودا يقول أنا ودا كمان انا
    المهم بعد الشتايم بالتبادل على كم شوية بهدله وبعد ساعه من انعقاد المؤتمر
    هدت الحكايه....واتفقنا انك أكتر وانا اكتر وانتوا اكتر
    المهم هدينا وكل كرسى اخد مكانه ومركزه.....
    ومفيش ثوانى قام الكبير وقال لهم انا أعتقد...رد المقابل قال لهم انا لا أعتقد
    رد الجميع على ايه لاتعتقد...? قال لهم انا لا أعتقد وخلاص المهم انى لاأعتقد!!
    حتى ولو الكبير دا حلفى على ماء وجمد....انا لا أعتقد!!
    رد الكبير عليه....عيب ياولد...رد قال أنا مش ولد
    وأسألوا ليل الصحارى والغابات يقولوا لكم انا مين وابن مين...انا الزعيم ابن الزعيم
    أنا خير خلف لخيييير سلف
    رد الكبير وقال وايه يعنى ...ا أنا اهوه امامك سلف..ورايا قاعد الخلف..يعنى لست وحدك
    ولو نظرت الى الجميييع كوووللهم....خلفا للسلف
    ولو فيه سلف هنا من غير خلف ..تلاقيه سالفله كم سلف وطبعا من الصميم!
    رد خلف الصغير ...بعد النظر..ااااه صحيح انا آسف ياكبير
    قال الكبير مش مشكله لاأسف على خلف ...لكن نحاسب السلف..مش مشكله
    خلاص هدينا؟ نبدأ احداث المؤتمر
    قام الخلف قال للسلف...لالالا وحياتك مافى مؤتمر الا بعد ما أكفر عن غلطتى
    ونقعد ناكل الفته مع الهبر....
    ال الكبير لجميع أعضاء المؤتمر...موافقون؟؟
    الكل فى نفس واحد وبلا تردد..... طبعا طبعا ياقمر
    قال خلاص...ا لامؤتمر الا بعد لهط الهبر..موافقه انشاللا تحصل محرقه
    المهم نوزن الطاصه بكام هبره مع كام معلقه..... ياللا بينا قوموا بقا
    المهم قعدوا السلائف مع الخلائف وبدأوا فى لهط الهبر.....
    لحمه ..وحمام..وفته وطبعا رومى معتبر..و.قول معاهم كم طن جزر
    وفجأه....قام واحد خلف من بعيد..ووقف على حيله واتنطر....وقاللهم أنا أعترض أنا اعتذر
    رد الكبير على ايه ياواد بتعترض وبتعتذر..؟ قال ياكبييير
    أنا حمامتى طلعت صغيره...و.اللى جانبى لهف منى الدكر...وهضمتوا حقى حتى فى الصور
    وكلمه من دا ..على كلمه من دا قامت خناقه وانا طبعا مش ملاحق صور حتى نفذت منى الافلام مع الكمر.....
    المهم هدت الحكايه..وجابوله لحمه مع كام حمامه مع كام دكر
    كل وانبسط ...وبعدها قام واعتذر..بحجة انه جعان ..وكان عاوز لحمة بقر
    وأهو كله عندى ظاهر معايه فى الصور
    المهم اكلوا الوليمه وقالوا تستأنف أحداث المؤتمر....طبعا كل واحد أخد مكانه وموقعه
    قال الكبير: احنا كنا وقفما فين؟ رد خلف قال ياسلف: اتفقنا اننا كلنا بنحب العروسه وان العروسه بنتنا....قال الكبير: برافوا يحميك ربنا
    بس نسأل أبو العروسه ايه يرضيه ويرضيها؟
    رد أبوها عيب ياجماعه دى بنتكم..حد هايفرط فى ضناه؟! دا الحمد لله كوووللوكوا اللى خالها واللى عمها...واللى بيننا وبينه جيره أو نسب بس أبقوا كتروا الدهب
    قالوا وماله مفيش موانع...نتآىمر ونتشاور ونتحاور....وبعدها نعلن قرار المؤتمر
    وماتنساش وانت بتاخد الحاجات تاخد معاها حبة صور....?!
    ماكدبوش طبعا خبر اعلنوا اغلاق المؤتمر وطبعا فى الحاله دى غير مسموح لى بالصور
    مش مهم... اهو بعد ساعه يصدر قرار المؤتمر وأكيد هانعرف الخبر
    وبعد ساعه..نادى المنادى..اسكت هس...نعلن قرار المؤتمر
    1- ندين بشده
    2- نستنكر
    3- نشجب
    4- يمنح ابو العروس طن حديد نظرا للظروف الماليه العالميه والبطاله وارتفاع سعر الدهب
    5- تمنح العروس كام لحاف على كام بيجامه وطن فول من العلب
    6-ومايرضيناش تاكل العروس ولازم تحللى فصرفنا لها قفصين عنب
    7- نشكر اعضاء المؤتمر المبجلين على هذا الانجاز الذى لايقوى على اتخاذه أجدع شنب
    قام أبو العروسه واعترض...فانضرب...فانسحب... ومشى يقول منى لله انا السبب أنا السبب...انا السبب


    _________________


    هيالشمس مسكنها في السماء

    فعز الفؤاد عزاءا جميلا

    فلن تستطيع اليها الصعود

    ولا تستطيع اليك النزول
    avatar
    MAGDY
    Admin

    عدد الرسائل : 479
    العمر : 29
    العنوان : حب الناس
    تاريخ التسجيل : 22/02/2009

    رد: مؤتمر للعروس

    مُساهمة من طرف MAGDY في الجمعة مارس 13, 2009 1:08 am




    _________________
    الحمد لله الذى هدانا لهذا وما
    كنا نهتدى لولا ان هدانا الله
    الشكر جزيل الشكر للى ساعدنا
    ف بناء هذا المنتدى حتى يصل الى
    هذ الحال



    avatar
    rony
    مشرف التسليه والمنوعات

    عدد الرسائل : 316
    تاريخ التسجيل : 23/02/2009

    رد: مؤتمر للعروس

    مُساهمة من طرف rony في الجمعة مارس 13, 2009 1:09 am

    اكيد مش احسن من مواضيع

    تسلم علي مرورك مجدي


    _________________


    هيالشمس مسكنها في السماء

    فعز الفؤاد عزاءا جميلا

    فلن تستطيع اليها الصعود

    ولا تستطيع اليك النزول

      الوقت/التاريخ الآن هو الخميس يوليو 19, 2018 3:57 am